Орц

  1. Амтат чинжүү - 2 кг
  2. Лууван - 2кг
  3. Ногоон лооль - 1 кг
  4. Байцаа - 500 гр
  5. Сонгино - 500 гр
  6. Сармис - 2 толгой
  7. Ургамлын тос - 500 гр
  8. Үрлэн хар перц - 30 ш
  9. Лаврын навч - 10 ш (жижиг)
  10. Элсэн чихэр - 100 гр
  11. Давс - 30 гр
  12. Уксус (20%) - 8 ц/х, (70% бол 2 бүтэн 1/4 ц/х)

Хийх арга

  1. Ногоогоо сайтар угааж цэвэрлэнэ.
  2. Лууван болон бусад ногоогоо нарийхан хэрчинэ. Лоолийг хамгийн сүүлд хэрчих бөгөөд маш түргэн исдэг тул хэрчингүүтээ салатаа хийх хэрэгтэй.
  3. Тогоондоо 200 мл ургамлын тос хийж сайтар халаагаад сармис, лаврын навч, үрлэн хар перецээ хийж хуурна.
  4. Хэрчсэн сонгино болон луувангаа хийж 5 минут жигнэнэ.
  5. Үлдсэн ногоогоо хийж хутгаад 5 минут жигнэнэ.
  6. Бүх амтлагч, давс, элсэн чихэр болон үлдсэн тосоо хийж хутгаад 15 минут жигнэнэ.
  7. Жигнэж болгосны дараа уксус хийж хутгана. Ариутгасан шилэнд халуунаар нь савлаад ариутгана.
  8. Ариутгахдаа ус буцалж эхэлснээс хойш 8 минут чанана. Ариутгалаас гаргаад тагийг нь доош харуулж хөргөнө. Сэрүүн нөхцөлд нэг жил хадгалах боломжтой.